Schön, dass du da bisch!
Für mich isch d'Fotografie ä Möglichkeit, Gschichtä und Momänt fescht z'haltä, ächti Momänt sichtbar z'machä und Erinnerigä lebändig wärdä z'lah. Mit minerä Kamera fang ich Augeblick i, wo zwüschäd dä Zilä passieräd - ehrlich, nöch, unverstellt, authentisch.
Näbed dä Fotografi schaffä ich als Zeichner im Ingenieurhochbau. Ich setzä viel Wärt uf Struktur, Gnauigkeit und Usfüehrbarkeit - ä spannendi Kontrascht, wo mini Arbet i beidnä Berich bericheret.
Uf minerä Sitä findsch du also sowohl Bilder, wo nberüehred, wiä au Liniä wo dini Zuekunft formet.
Ich wünschä dir viel Spass bim stöberä und villicht dörfed mir scho bald zämä es Projekt verwürklichä!
Herzlich
Andrea
Hey, ich bin d'Andrea
Ich glaubä fescht dra, dass mir üs im Läbä viel z’viel dur Ängscht und Zwiefel zrugghaltä lönd. Doch wänn mir dä Muet findet, Nüüs z’wagä, entstaht so viel Grossartigs.
​
Drum han ich dä Schritt id Sälbsständigkeit gwagt und mach jetzt das, wofür ich brännä. Dur d'Kombination vom Föteli und em Zeichnä han ich dä perfekti Usglich zwüsched dä Natur und em Büro. Für mich ghört immer es Mitenand däzuä und Kommunikation isch einä vo dä wichtgstä Faktore i beindä Berich. Segs i dä Hochzytsplanig oder uf dä Bustell mitm Polier.
mini
DIENSTLEISTIGÄ
Fotografie
familiä - päärli - portrait - hochzytä
D’Kamera i dä Hand bedütet für mich viel meh, als nur äs Werkzüg - sie isch min Blickwinkel uf diä Wält, mini Möglichkeit, bsundrigi Augeblick fescht z’haltä und üch än Iblick z’gäh, wie ich üchi Gschicht dur mini Linsä gseh.
​
Egal ob Portraits, Päärli, Familiä oder Hochzytä. Mir isch wichtig, dass ihr offä sind, Sachä us z’probierä und Spass bi dä Sach händ.
Zeichnerarbeit
schalig - bewehrig - bugruäbä
Zeichner Fachrichtig Ingenieurbu - dä Bruef wo ich glehrt ha und im 2018 han dörfä abschlüssä.
​
Du suächsch än Zeichner als Ushilf oder öpert, wo diä ganz Zeichnerarbet bimenä Projekt übernimmt. Dänn bin ich gnau diä richtig für dich.
Mini Arbetswies isch Kundeorientiert und Kommunikativ. Segs mitm Ustusch mitem Ingenieur oder mitm Polier dussä, ich gah mit minerä offnigä Art uf d'Lüt zuä und suächä mit ihnä zämä diä beschti Lösig für beidi Partiä.
